MKOA WA MBEYA WASAIDIWA NA SERIKALI YA WATU WA MAREKANI.

Mkuu wa Mkoa wa Mbeya Mh Abbas Kandoro akitoa wito kwa viongozi wa Wilaya zilizopata Magari

Katibu wa Hopitali ya Mkoa wa Mbeya Bi Juliana Mawaka akitoa taarifa katika kukabidhi Magari ya VVU/UKIMWI Mbeya

Picha ya Magari yaliyo kabidhiwa

 

Serikali ya Marekani kupitia Mradi  Walter Reed  Program imetoa msaada wa magari Matatu  kwa uongozi wa serikali ya Mkoa wa Mbeya yenye thamani ya shilingi mil400.3.

Magari hayo yamekabidhiwa leo kwa Mkuu wa Mkoa wa Mbeya, Abbas Kandoro, kutoka kwa mwakilishi wa Shirika la Walter Reed Tanzania  Daktari  Joseph Chintowa.

Akipokea msaada huo, Kandoro amesema magari hayo yamefika kwa muda muafaka lakini jamii inapaswa kutambua kuwa misaada hiyo haipunguzi ongozeko la magonjwa ya ukimwi pamoja na saratani.

Misaada hii haipunguzi ongezeko la magonjwa ni lazima tudhibiti tamaa ya mwili, tusijidekeze kwenye vitendo vinavyotuingiza kwenye ngono zembe,

Akitoa neno mara baada ya kukabidhi magari hayo Dokta Chintowa, amesema shirika la Walter Reed limekuwa likifanya kazi  kwa miaka kumi sasa  kwa niaba ya wizara ya afya ustawi wa jamii katika kusaidia  utekelezaji  wa mpango wa udhibiti  wa ukimwi kwa mikoa ya Mbeya,Rukwa  na Ruvuma.

Amesema mpango huo umekuwa  ukipitia  katika mfuko maalumu wa Rais wa marekani  wa PEPFAR  ambao umekuwa ukitoa msaada wa kuzuia maambukizi  ya ukimwi  kutoa huduma za  uangalizi   na ufuatiliaji wa ukimwi.

Aidha mwakilishi huyo amebainisha kuwa  sanjali na hayo pia mfuko huo  umekuwa ikisaidia mikoa hiyo pamoja na  mingine ya Tanzania  katika  kuzijengea uwezo  idara za afya na jamii kwa ujumla  katika mapambano hayo  dhidi ya ukkimwi.

Amesema magari hayo  yatatumika  katika kuendeleza  na kuboresha  harakati za  serikali dhidi ya ukimwi  pamoja na  mradi mpya wa HJFMRI,WRP unasaidia katika mapambano dhidi ya ukatili wa kijinsia na vitendo viovu dhidi ya watoto.

Amesema Takwimu ziaonyesha kuwa  pamoja maambukizi ya kimokoa kuwa juu kwa asilimia 9.0  pamoja na vitendo vya ukatili kuwa hivyo katika msaada wa magari hayo matatu moja kati hayo litatumika katika mradi wa kupambana na vitendo vya ukatili wa kijinsia ambapo mengine yatapelekwa katika Halmashauri ya  Busokelo na Momba kwa lengo la kuzijengea uwezo Halmashauri hizo.