MBEYA CITY FC ZITENDEENI HAKI MILIONI 360 ZA BINSLUM, FANYENI HAYA KUKIMBIA `USWAHILI` WA SIMBA, YANGA

MBEYA CITY FC kwa mara ya kwanza imepata udhamini wa mamilioni ya fedha baada ya Kampuni ya Binslum Tyre Company Limited kumwaga kitita kirefa cha milioni 360 kwa miaka miwili.

Kampuni hii ina nia ya kuifanya klabu hii kuwa bora zaidi katika michuano ya ligi kuu soka Tanzania bara . Siku zote ukifanya kazi kwa moyo wote, ukawekeza nguvu kubwa kutafuta mafanikio, mwisho wa siku juhudi zako zinakulipa.

Msimu uliopita, Mbeya City walionesha nguvu kubwa na mipango mizuri ya ndani na nje ya uwanja. Walicheza kwa kujituma, kwa malengo na nidhamu kubwa. Timu hii ilikuwa bora kuliko timu zote tatu zilizopanda ligi kuu kwa msimu uliopita.

Ashanti United na Rhino Rangers ziliishia kuonja tu utamu wa ligi kuu na kurudi tena ligi daraja la kwanza. Lakini kwa Mbeya City fc ilikuwa ni tofauti, walishindana mpaka dakika ya mwisho na kumaliza katika nafasi ya tatu.

Waliwachomoa wakongwe, Simba sc katika ushindani wa nafasi tatu za juu. Nidhamu ya wachezaji na kuwa na uchu wa mafanikio, maandalizi ya muda mrefu, falsafa ya kocha Juma Mwambusi, hamasa ya mashabiki, uongozi wenye mipango, ni miongoni mwa sababu chache kati ya nyingi zilizowafanya Mbeya City wafike pale walipo.

Lakini kilio chao kilikuwa ni kukosa udhamini. Viongozi walisikika mara nyingi wakisema wanaomba makampuni mbalimbali kujitokeza kudhamini klabu. Haikuwa rahisi kupata udhamini kwasababu ndio kwanza watu walikuwa wanapima upepo wake.

Hakuna mtu anayeweza kuwekeza pesa sehemu ya hasara. Timu bora inang`ang`aniwa na wadhamini. Wala hakuna haja ya kwenda kuwalilia wadhamini, wewe fanya mipango ya uwanjani, jenga timu ya ushindani, ‘mipesa` itakuja yenyewe. Mafanikio ya Mbeya City yamemtekenya Binslum na kumwaga milioni 360.

Ni pesa nyingi na endapo viongozi wa klabu watakuwa makini kuzitumia, basi zitawasogeza mbele zaidi.

`Mipesa` ndio hiyo sasa, lakini viongozi wa Mbeya City kumbukeni mambo machache yafuatayo;

Mosi; wachezaji wenu ndio chanzo cha udhamini huo. Kumbukeni sio mkurugenzi wa jiji, wala katibu, wala mwenyekiti aliyemvuta Binslum. Ni juhudi za Juma Mwambusi na benchi lake,  pamoja na wachezaji wenu.

Ukali wa Paul Nonga, Mwegane Yeya, Peter Mapunda, Steven Mazanda, Antony Matogolo, Deus Kaseke na wengineo ndio chanzo cha kupata udhamini huo. Kwa maana hiyo, hawa vijana ndio walioleta neema hiyo.

Cha msingi, wapeni haki zao. Kama walikuwa wanalipwa kiasi kidogo, basi jaribuni kufikiria namna ya kuongeza dau. Wamefanya kazi kubwa na wameona milioni 360, hivyo onesheni kuwajali na kuwapa dau zuri. Haitakuwa jambo jema kubakia katika kiwango walichokuwa wanalipwa awali, lazima mfanye `makeke` ili vijana waneemeke na jasho lao.

 Sisemi ndio mtumie pesa zote kwao,lakini angalau muoneshe kuwajali. Inakuwa mbaya sana unapozalisha pesa, wengine wanafaidi. Inakatisha tamaa. Jitahidini kuboresha maslahi ya wachezaji.

Pili: siasa ndio adui mkubwa wa mpira wa Tanzania. Wenzenu Simba na Yanga walianza kula matunda ya udhamini kwa miaka mingi. Lakini sina hakika kama fedha hizo zimezinufaisha klabu. Nadhani tatizo ni aina ya uongozi unaoziongoza klabu hizo. Kuna `waswahili` wengi na wachumia matumbo. Watu wanaoingia katika klabu hizi wanajineemesha wao.

Kama kuna mtu ana uhakika, aseme ni kiongozi gani amefanya kitu kikubwa na cha kihistoria kwa klabu hizi mbili. Jibu ni hapana!. Bado uongozi ni tatizo kubwa. Hakuna watu wa kusimamia mapato ya klabu, hawajapatikana watu wakutumia ipasavyo fedha za udhamini.

Watu wanajali maslahi binafsi, Ni timu ambazo zinaendelea kutegemea fedha za watu wachache `mungu watu`.

Ili kufikia malengo yenu, epukeni na siasa. Fanyeni kazi kwa malengo na kuzuia mianya ya kuibiwa kwa fedha zenu.

Tatu; boresheni kikosi chenu ili kijitegemea. Moja ya malengo ya kocha Mwambusi ni kuwa na timu iliyojikamilisha kwa kuzalisha wachezaji wake.

Soka la vijana ndio kila kitu. Boresheni upande huo ili muwe na timu isiyochoka. Akichoka huyu mnapandisha bunduki nyingine. Muwekeze huko bila kujali mafanikio yatapatikana lini. Uvumilivu unahitajika, lakini itawalipa baadaye. Tumieni muda mwingi kubuni namna ya kuboresha kikosi chenu kwa kujifunza kwa wenzenu walioendelea nje ya nje.

Pia sajilini wachezaji kwa mipango ili muwe na timu ya ushindani. Udhamini utakuja zaidi. Mwingine atakuja kuweka lebo kwenye soksi tu, mwingine viatu, watang`ang`ania wenyewe. Lakini mkibweteka basi mtamfukuza hata Binslum.

Mosi; wachezaji wenu ndio chanzo cha udhamini huo. Kumbukeni sio mkurugenzi wa jiji, wala katibu, wala mwenyekiti aliyemvuta Binslum. Ni juhudi za Juma Mwambusi na benchi lake,  pamoja na wachezaji wenu.

Ukali wa Paul Nonga, Mwegane Yeya, Peter Mapunda, Steven Mazanda, Antony Matogolo, Deus Kaseke na wengineo ndio chanzo cha kupata udhamini huo. Kwa maana hiyo, hawa vijana ndio walioleta neema hiyo.

Cha msingi, wapeni haki zao. Kama walikuwa wanalipwa kiasi kidogo, basi jaribuni kufikiria namna ya kuongeza dau. Wamefanya kazi kubwa na wameona milioni 360, hivyo onesheni kuwajali na kuwapa dau zuri.

 Haitakuwa jambo jema kubakia katika kiwango walichokuwa wanalipwa awali, lazima mfanye `makeke` ili vijana waneemeke na jasho lao. Sisemi ndio mtumie pesa zote kwao,lakini angalau muoneshe kuwajali. Inakuwa mbaya sana unapozalisha pesa, wengine wanafaidi. Inakatisha tamaa. Jitahidini kuboresha maslahi ya wachezaji.

Pili: siasa ndio adui mkubwa wa mpira wa Tanzania. Wenzenu Simba na Yanga walianza kula matunda ya udhamini kwa miaka mingi. Lakini sina hakika kama fedha hizo zimezinufaisha klabu. Nadhani tatizo ni aina ya uongozi unaoziongoza klabu hizo. Kuna `waswahili` wengi na wachumia matumbo. Watu wanaoingia katika klabu hizi wanajineemesha wao.

Kama kuna mtu ana uhakika, aseme ni kiongozi gani amefanya kitu kikubwa na cha kihistoria kwa klabu hizi mbili. Jibu ni hapana!. Bado uongozi ni tatizo kubwa. Hakuna watu wa kusimamia mapato ya klabu, hawajapatikana watu wakutumia ipasavyo fedha za udhamini.

Watu wanajali maslahi binafsi, Ni timu ambazo zinaendelea kutegemea fedha za watu wachache `mungu watu`.

Ili kufikia malengo yenu, epukeni na siasa. Fanyeni kazi kwa malengo na kuzuia mianya ya kuibiwa kwa fedha zenu.

Tatu; boresheni kikosi chenu ili kijitegemea. Moja ya malengo ya kocha Mwambusi ni kuwa na timu iliyojikamilisha kwa kuzalisha wachezaji wake. Soka la vijana ndio kila kitu. Boresheni upande huo ili muwe na timu isiyochoka. Akichoka huyu mnapandisha bunduki nyingine. Muwekeze huko bila kujali mafanikio yatapatikana lini. Uvumilivu unahitajika, lakini itawalipa baadaye. Tumieni muda mwingi kubuni namna ya kuboresha kikosi chenu kwa kujifunza kwa wenzenu walioendelea nje ya nje.

Pia sajilini wachezaji kwa mipango ili muwe na timu ya ushindani. Udhamini utakuja zaidi. Mwingine atakuja kuweka lebo kwenye soksi tu, mwingine viatu, watang`ang`ania wenyewe. Lakini mkibweteka basi mtamfukuza hata Binslum.