AJALI MBAYA COSTA YA ANOTHER G NA LORI YADAIWA KUUA ABIRIA ZAIDIYA 22 USIKU HUU.

WATU 22 wamepoteza maisha usiku huu katika ajali ya gari aina ya costa mali ya Another G inayofanya safari zake kati ya Njombe ­ Iringa baada ya kugongana na Lori.

Taarifa za awali ambazo mtandao huu umezipata kutoka eneo la tukio zinadai kuwa ajali hiyo imetokea eneo la Kinyanambo nje kidogo na mji wa Mafinga wilaya ya Mufindi mkoani Iringa wakati gari hiyo ya Another G ikitokea Njombe kwenda Iringa

Mbali ya kuwa maiti ambazo zimetolewa na kufikishwa katika chumba cha kuhifadhia maiti Hospitali ya wilaya ya Mufindi kuwa zimekwisha fika zaidi ya 10 ila inadai kuwa idadi ya miili inaweza kuongezeka zaidi kutokana na kazi ya uokoaji ikiendelea eneo la tukio.

Imeelezwa kuwa waliopoteza maisha ni wanaume 15 na wanawake 7 huku majeruhi 34 ambao wamelazwa katika Hospitali ya wilaya ya Mufindi Mkuu wa wilaya ya Mufindi Mboni Mhita ameuthibitishia mtandao huu kwa njia ya simu juu ya ajali hiyo na kueleza kuwa ni miongoni mwa ajali mbaya kutokea wilayani Mufindi.

Mtandao huu utaendelea kukuhabarisha zaidi juu ya tukio hili baya huku tukiendelea kuwaombea majeruhi afya njema