RONALDO APIGA TATU PEKE YAKE URENO IKING’ARA KUFUZU EURO 2016

Ronaldo akiwanyooshea kidole mashabiki kushangilia baada ya kufunga mabao matatu peke yake Ureno 3-2 dhidi ya Armenia jana

MWANASOKA bora wa Dunia, Cristiano Ronaldo amefunga mabao yote matatu wakati Ureno ikishinda 3-2 ugenini dhidi ya Armenia katika mchezo wa Kundi I kufuzu Euro 2016 uliofanyika Uwanja wa Hanrapetakan.Mshambuliaji huyo wa Real Madrid ya Hispania, alifunga mabao hayo katika dakika za 29 kwa penalti, 55 na 58, wakati ya mabao ya wenyeji yalifungwa na Marcos Pizzelli dakika ya 14 na Hrayr Mkoyan dakika ya 71.(P.T)

Ujerumani imepata ushindi wa mabao 7-0 ugenini dhidi ya Gibraltar, wafungaji Andre Schurrle dakika ya 28, 65 na 71, Max Kruse dakika ya 47 na 81, Ilkay Gundogan dakika ya 51, Karim Bellarabi dakika ya 57.

Ireland ya Kaskazini imelazimishwa sare ya 0-0 na Romania Uwanja wa Windsor Park, Faroe Islands imeifunga 2-1 Ugiriki, Denmark imeilaza 2-0 Serbia mabao ya Yussuf Poulsen dakika ya 13 na Jakob Poulsen dakika ya 87 Uwanja wa Parken, Jamhuri ya Ireland imetoka sare ya 1-1 na Scotland, Poland imeitandika 4-0 Georgia mabao ya Arkadiusz Milik dakika ya 62 na Robert Lewandowski dakika za 89, 91 na 93 Uwanja wa Taifa wa Warsaw, Finland imelala 1-0 nyumbani mbele ya Hungary bao la Zoltan Stieber dakika ya 82 Uwanja wa Olimpiki mjini Helsinki.

Katika mechi za juzi, Wales iliifunga 1-0 Ubelgiji bao pekee la Gareth Bale dakika ya 25 Uwanja wa Cardiff, Iceland imeifunga 2-1 Jamhuri ya Czech,

Malta imefungwa 1-0 nyumbani na Bulgaria bao pekee la Ivelin Popov dakika ya 56 Uwanja wa Taifa wa Ta'Qali, Andorra imefungwa 3-1 nyumbani na Cyprus, Uholanzi imeshinda 2-0 ugenini Latvia mabao ya Georginio Wijnaldum dakika ya 67 na Luciano Narsingh dakika ya 71, Croatia imelazimisha sare ya 1-1 Italia.

Norway imetoka sare 0-0 na Azerbaijan, Bosnia and Herzegovina imeifunga 3-1 Israel, Kazakhstan imelala 1-0 mbele ya Uturuki, bao pekee la Arda Turan dakika ya 83 Uwanja Almaty Central.

chanzo:bongostars