VIGOGO 12 WA BIASHARA HARAMU YA MADAWA YA KULEVYA NCHINI WAFIKISHWA MAHAKAMANI.

Mchambuzi Mkuu wa Tume ya Kuratibu Udhibiti wa Dawa za Kulevya nchini, Januari Ntisi, mjini Mbeya katika mkutano na Waandishi wa Habari kuhusu maadhimisho ya Kitaifa ya kupinga matumizi ya dawa za kulevya yatakayofanyika mkoani hapa ambapo mgeni rasmi anatarajiwa kuwa Makamu wa Rais, Dk. Mohammed Gharib Bilali,  (Juni 25)

Mkurugenzi wa vipimo wa tume hiyo, Gloria Omari

Waandishi wa Habari  jijini Mbeya pamoja na Timu ya wajumbe kutoka Makao Makuu jijini Dar es salaa

Waandishi wa Habari  jijini Mbeya pamoja na Timu ya wajumbe kutoka Makao Makuu jijini Dar es salaa 

Hatua ya serikali kuamua kupambana na  Uingizwaji wa Biashara haramu ya Madwa ya Kulevya tayari hatua hiyo imeanza kuzaa matunda ambapo jumla  ya Vigogo 12 wa biashara  hiyo nchini wamekamatwa na kesi zao zipo mahakamani.

Tarifa hiyo imebainishwa na Mchambuzi Mkuu wa Tume ya Kuratibu Udhibiti wa Dawa za Kulevya nchini, Januari Ntisi, mjini Mbeya katika mkutano na Waandishi wa Habari kuhusu maadhimisho ya Kitaifa ya kupinga matumizi ya dawa za kulevya yatakayofanyika mkoani hapa ambapo mgeni rasmi anatarajiwa kuwa Makamu wa Rais, Dk. Mohammed Gharib Bilali, anayewasili (Juni 25) mjini hapa kwa ajili ya maadhimisho hayo.

Ntisi amesema vigogo hao 12 ni baadhi ya wafanyabiashara wakubwa wa biashara hiyo ambao pia wanatafutwa kimataifa na tayari hatua za kisheria zimeshaanza kuchukuliwa kwa kufikishwa mahakamani kujibu tuhuma hizo.

Hata hivyo, Ntisi hakuwa tayari kutaja majina ya vigogo hao kwa madai ya sababu za kiusalama ingawa alidai tayari kesi zao zipo mahakamani.

Hata hivyo, tume hiyo imekiri kuwa bado biashara ya dawa za kulevya nchini ni changamoto kubwa katika mustakabali wa taifa hivyo Ntisi alisema ni suala linalohitaji nguvu ya watanzania wote ili kukabiliana na jambo hilo.

Kuhusu hofu ya wananchi kuwa kuna uchakachuaji wa dawa za kulevya zinazokamatwa ambazo ama huonekana kuwa si dawa halisi au hupotea katika mazingira yasiyoeleweka, Mkurugenzi wa vipimo wa tume hiyo, Gloria Omari, alisema hakuna uchakachuaji unaofanywa bali matokeo yanayotangazwa yanatokana na vipimo halisi kwa dawa husika.

Kwa upande wake Mkuu wa Mkoa wa Mbeya, Abbas Kandoro, aliwataka wananchi wa mkoani hapa kuwataja viongozi wa Serikali wanaojihusisha na biashara ya dawa za kulevya ili kuiwezesha Serikali kukabiliana na mtandao wa wahusika wa dawa hizo.

Kwa mujibu wa takwimu hizo, jumla ya dawa hizo za kulevya zenye thamani ya shilingi bilioni 30 zilikamatwa, ambapo heroini zilikamatwa kilo 742.5, kokeini kilo 348.3, bangi kilo 77,740, huku mirungi ikikamtwa kilo 16,334.

Huku zikionyesha   kuwa tangu mwaka 2010 hadi kufikia machi 2013, jumla ya vijana 20,000 walikuwa wanaendelea na matibabu  katika vituo mbalimbali  baada ya kuathiriwa na dawa hizo