EXCLUSIVE:: ABIRIA WA FASTJET WAKWAMA UWANJA WA NDEGE MBEYA.

Foleni ya mabegi hakuna wa kukagua  kazi ipo jee huu ni uungwana? kuwasotesha Abiria namna hii?

Na Mwandishi Wetu, Mbeya.

KUFUATIA kwa tatizo la kuchafuka kwa hali ya hewa iliyoambatamna na ukungu, iliyojitokeza jJijini Mbeya jana hivyuo kusababisha ndege ya abiria ya Fastjet kushindwa kutua katika Uwanja wa Kimataifa wa Songwe, leo abiria wamejikuta wakipanga foleni ndefu ya kuingia ndani ya uwanja hali ambayo imeonekana kuwakera baadhi ya wasafiri.

Mbali na kero hiyo, pia wasafiri walilazimika kuwahi kufika kwenye uwanja huo na kukaguliwa mapema ili kuondokana na hali ya usumbufu wakati wa kuingia ndani ya uwanja huo.

Fahari News, imeshuhudia foleni ndefu ya habaria wakiwa wanasubili kuingia kwenye chumba cha ukaguzi huku baadhi yao wakionekana kukerwa na hali hiyo.

“Hii sasa imekuwa  shida kwani mtu umefika mapema lakini mpaka sasa tupo kwenye foleni ambayo haieleweki itamalizika muda gani,” alisema abiria ambaye ahakutaka jina lake liandikwe.

Amesema, ikumbukwe kwamba abiria huwa anawahi kufika uwanjani ili kukamilisha taratibu mapema na kupumzika lakini sasa angalia foleni ni ndefu na mtu anaweza jikuta akichoka kabla ya kuanza safari ni vema serikali ikaharakisha mpango wa ufungaji wa Taa kwenye uwanja huo.

“Kama Taa zingekuwepo abiria ambao walipaswa kusafiri jana asubuhi na mchana wangeondoka usiku wa saa nne hivyo kupunguza msongamano uliojitokeza hivi leo.”amesema

Aidha, akizungumzia hilo, Mratibu wa shughuli za ndege Kampuni ya Fastjet Mkoa wa Mbeya, Omary Idrissa, alikiri kujitokeza kwa msongamano mkubwa uwanjani lakini suala hilo limerekebishika kwa kuwaomba abiria ambao walipaswa kuondoka na ndege ya jana kuondoka kesho.

“Mpaka sasa tumeweza kulitatua tatizo hili kwani baadhi ya abiria wameondoka na ndege ya asubuhi wengine wataondoka leo jioni na wale ambao walitakiwa kuondoka jana watatarajia kuondoka kesho kwani waliobaki ni wachache ,”amesema.

Mwisho.