.MAMA NA MTOTO WAPONA KWENYE AJALI YA NDEGE.

Ndege bado ni usafiri salama duniani lakini ajali zake huwa mbaya sana, na ni mara chache pia kukuta imetokea ajali alafu wapo waliopona.. ajali ya ndege imetokea Jimbo la Choco, Colombia siku tano zilizopita, 

mama mmoja na mtoto wake wa kiume mwenye umri wa mwaka mmoja kukutwa wakiwa hai!

Mama wa mtoto huyo Maria Nelly Murillo amekutwa akiwa na majeraha madogomadogo pamoja na alama za kuungua, lakini mtoto amekutwa salama kabisa!

Wahusika wa Kitengo cha kuongozea ndege wanasema ndege ilipata ajali baada ya kupoteza mawasiliano kama kwa dakika 20 hivi, walianza kuitafuta na baada ya siku mbili wakaikuta ndege ikiwa imepata ajali kwenye msitu mkubwa… kupona kwao ni kama bahati tu, haijawekwa idadi kamili ya watu waliokuwemo kwenye ndege ila ndani rubani alikutwa amefariki.

Maria amesema baada ya ajali alifanikiwa kufungua mlango wa ndege na kukimbilia kwenye msitu wakati huo ndege ilianza kuwaka moto tayari.. ndani ya ndege kulikuwa na samaki pamoja na nazi, mwanamke huyo aliweza kuishi siku zote hizo kwa kunywa maji ya nazi pekeyake.