NAY WA MITEGO KUENDELEZA MOTO WA MAKONDA WA KUWEKA MAJINA HADHARANI

Msanii wa Bongofleva, Emmanuel Elibariki a.k.a. Nay wa Mitego  amesema ana orodha ya wasanii ambao wamekuwa wakibebwa na kupendelewa kwa kupewa promo kali lakini uwezo wao ni mdogo.

Nay alisema ana orodha yote ya wasanii hao na kwamba yupo tayari kuiweka hadharani ili Watanzania wawajue lakini kwanza anawapa fursa wananchi wawataje wale wanaowajua wao.

“Nafikiri hiyo tuwape kazi wananchi watuorodheshee ni msanii gani kwa kipindi hichi anaishi kwa upepo wa promotion na upepo ukikata tutaona reaction zake,” alisema.

Nay anaonekana kwenda na moto wa Mkuu wa Mkoa wa Dar, Paul Makonda wa kuweka hadharani watu wanaotuhumiwa kujihusisha na madawa ya kulevya nchini katika awamu ya kwanza na ya pili. Tusubiri orodha hii kutoka kwa Nay.