AFISA TAKUKURU AFARIKI KIFO CHA UTATA.

Jeshi la Polisi Mkoa Manyara limeripoti kutokea kwa kifo cha  afisa mmoja wa TAKUKURU Bi Evanjelina Samson Mahili (39)   kwa kudhaniwa kupigwa na kitu kizito (butu) Nyumbani kwake mtaa wa Bomani kata ya Kibaya Wilayani  kiteto

Akizungumza na Fahari News kamanda wa Polisi Mkoa wa Manyara ACP  Akili Mpwapwa amethibitisha kutokea kwa tukio hilo na kwamba Jeshi la Polisi Mkoani hapo lina washikiria watu wa 4 kwa uchunguzi zaidi

Kamanda Mpwapwa amesema kuwa  uchunguzi wa awali uliofanywa na Jeshi la Polisi unaonesha kuwa maarehemu kabla ya kukutwa na umauti alikuwa akipata chakula cha jioni na na mtu ambae bado hakufahamika kwa kukuta sahni mbili za chakula mezani nyumbani kwa marehemu

Awali majira ya saa kumi na moja marehemu alionekana maeneo ya Baa akiwa anakunywa  na mmoja kati ya watuhumiwa wanne wanashikiliwa na na jeshi la polisi kwa uchunguzi zaidi,

Tukio hilo la kustahajabisha lilitokea usiku wa kuamkia Jumanne ya tarehe 19 mwezi Julai mwaka huu majira ya usiku.

Aidha kamanda Mpwapwa ametoa salamu za rambirambi kwa familia ya marehemu na kuwataka wawe watulivu katika kipindi hiki ambacho jeshi la Polisi likifanya uchunguzi