GWAJIMA ARUDI NA KQ ASHIKWA

Hatimaye Askofu wa Kanisa la Ufufuo na Uzima, Josephat Gwajima ambaye amekuwa akitafutwa na Jeshi la polisi kwa siku kadhaa alikamatwa jana katika uwanja wa ndege wa Julius Nyerere (JNIA) alipowasili alitokea japan.

Baada ya Askofu Gwajima kukamatwa na kikosi cha Polisi Uwanja wa JNIA alipelekwa moja kwa moja kituo cha polisi  kwa ajili ya mahojiani akidaiwa alitoa maneno ya uchochezi mwezi uliopita.

Akizungumzia kukamatwa kwake, kamanda wa polisi  Askofu huyo aliwasili saa 2.45 asubuhi akitokea Japan kwa kutumia ndege ya shirika la ndege la Kenya.

Otieno alisema mara baada ya kukamatwa alipelekwa katika kituo kikuu cha polisi kwa ajili ya kuhojiwa na jeshi la polisi kanda maalum ya dar es salaam.

“Ni kweli tulikamata Askofu Gwajima hapa uwanja wa ndege wa JNIA baada ya kuwasili kwa ndege ya shirika la ndege la Kenya na tulipomuhoji alidai kuwa alikuwa nchini Japan” alisema Otieno.

Mwanasheria wake Peter Kabatala alisema Gwajima alifika kituo cha polisi saa 4:45 asubuhi kwa mahojiano mafupi na aliruhusiwa kuondoka baada ya kujiadhamini yeye mwenyewe.

“Askofu Gwajima amehojiwa leo (jana) na jeshi la polisi kanda  maalumu na amejidhamini yeye mwenyewe, ameruhusiwa kuondoka hivyo tunasubiri chochote kitakachoendelea” alisema Kibatala bila kueleza mahojiano yalivyokuwa.

Askofu Gwajima alikuwa anatafutwa na polisi tangu mwezi uliopita baada ya kusambazwa mkanda kwenye mitandao ya kijamii unaodhaniwa una sauti yake akipendekeza Rais mstaafu Jakaya Kikwete kufikishwa mahakamani kwa yote yaliyofanyika wakati wa utawala wake ambayo sasa Rais John Magufuli anayashughulikia kwa mtindo wa kutumbua majipu.

Katika mkanda huo, sauti  hiyo inadai kuwa baadhi ya viongozi wa CCM wametuma watu mikoani kupiga kampeni ya kutaka Rais Magufuli asipwe uongozi wa chama hivo kwa sasa kama ilivyo utaratibu wa chama hicho na kwamba hili likifanyika basi Rais abadili katiba ili mstafu huyo aweze kufikishwa kortini.

Tangu ulipotolewa mkanda huo makachero wa polisi wamekuwa wakipiga kambi nyumbani kwa Askofu Gwajima kwa lengo la kumkamata lakini hawakumpata. Baadaye ilikuja kufahamika kwamba Askofu huyo alikuwa amekwenda nje ya nchi lakini haikujulikana ni nchi gani.

Hata hivyo baada ya kutafutwa na polisi Gwajima kupitia wakili wake Kibatala alisema atakaporejea nchini atakwenda moja kwa moja polisi kwa ajili ya mahojiano. Kamanda wa kanda maalum ya Dar es Salaam, Simon Sirro amekuwa akisisitiza kwamba jeshi litaendelea kumtafuta askofu huyo kwa kushirikiana na polisi  wa kimataifa, Interpol.