OKWI AONGEZA MKATABA SIMBA.

Kiungo mshambuliaji wa Simba, Mganda, Emmanuel Okwi, ameongezewa mkataba mwingine wa mwaka mmoja wa kuichezea timu hiyo.

Mganda huyo ameongezewa mkataba huo wakati ule wa awali ukitarajiwa kumalizika mapema Januari, mwakani. Alitua Msimbazi kwa utata akitokea Yanga.

Simba tayari imewasajili wachezaji watatu wa kimataifa kutoka Uganda katika usajili wa dirisha dogo ambao ni Juko Musheed, Dan Sserunkuma na mdogo wake Simon Sserunkuma.

Akizungumza na chanzo, Mwenyekiti wa Kamati ya Usajili ya Simba, Zakaria Hans Poppe, alisema kuwa kiungo huyo ameuongeza mkataba huo jana Jumanne.

Okwi ameongeza mkataba mwingine wa mwaka mmoja wa kuichezea Simba, hivyo tutaendelea kuwa naye kwenye timu katika mzunguko wa pili wa ligi kuu.

Tulifikia makubaliano mazuri ya kumuongezea mkataba baada ya pande zote mbili kukubaliana kabla ya kumpa huo mwingine, mkataba wake wa awali unaelekea ukingoni ambao utamalizika Januari, mwaka huu

alisema Hans Poppe.