WAKATI KENYA, UGANDA, BURUNDI NA RWANDA ZIMETOA WAAMUZI WA KUCHEZESHA CHAN, UNAJUA BONGO WAMETOKA WANGAPI?

Majina ya waamuzi pamoja na waamuzi wasaidizi yameshatangazwa kwa ajili ya michuano ya Mataifa ya Afrika kwa wachezaji wanaocheza ligi za ndani CHAN michuano ambayo itafanyika mwaka huu nchini Rwanda.

Waamuzi 34 kutoka mataifa 24 wamechaguliwa kwa ajili ya kupuliza firimbi na kushika vibendera wakati wa mashindano hayo yanayotarajiwa kuanza rasmi January 16 hadi February 7, 2016 ili kukakikisha kila kitu kinakwenda sawa wakati wa michuano hiyo ambayo timu ya taifa ya Tanzania ilishindwa kufuzu baada ya kulambishwa mchanga na wababe Uganda.

Kitu cha kushangaza kuliko vyote ni kukosekana kwa jina hata moja la mwamuzi kutoka Tanzania hata kwenye orodha ya waamuzi wasaidizi. Majina ya waamuzi na waamuzi wasaidizi watakaochezesha michuano hiyo yanatoka kwenye mataifa mengine ya Afrika huku nchi za Kenya, Rwanda, Burundi na Uganda wakitoa waamuzi kwa upande wa ukanda wa Afrika Mashariki lakini Tanzania hoi.

Wakati Tanzania tunajifariji soka letu linakua, tuna professional ligi lakini nadhani wanaotutazama ndio wanajua kiwango cha soka letu ndiyo maana hakuna hata mwamuzi mmoja kutoka Bongo atakayeshezesha michuano hiyo.

Timu yetu ya taifa ilishindwa kufuzu kucheza michuano hiyo kwasababu tulizidiwa uwezo na wapinzani, lakini na hili la waamuzi limekaaje?

Waamuzi ambao wanachezesha mechi za ligi kwa kukopwa, wanatengenezewa mazingira ya kuuza mechi kutokana na njaa waliyonayo hawawezi kuwa na vigezo vya kuchezesha michuano mikubwa kama hii kwasababu watawaharibia watu mashindano.

Sisi tubaki tu na ligi yetu ya kiujanja-ujanja na mashindano yetu ya Mapinduzi Cup ambayo ‘marefa’ wanakataa magoli halali kwa kutokujua sheria  barabara. Ifike mahali Tanzania tukubali tu kuanza upya lakini tusilazimishe au kujifariji sisi ni wa hadhi flani wakati ukweli tunaujua wenyewe.

Hii ni orodha ya waamuzi watakaochezesha michuano ya CHAN 2016 nchi Rwanda:

REFEREES
#	NAMES	COUNTRY
1	Abid Charef Medhi	Algeria
2	Bernard Camille	Seychelles
3	Denis Dembele	Cote d’Ivoire
4	Ibrahim Nour El Din	Egypt
5	Daniel Bennet	South Africa
6	Kordi Med Said	Tunisia
7	Mohamed H. El Fadil	Sudan
8	Nampiandraza Hamada	Madagascar
9	Keita Mahamadou	Mali
10	Ali Lemghaifry	Mauritania
11	Malang Diedhiou	Senegal
12	Zio Ephrem Juste	Burkina Faso
13	Davies Omweno	Kenya
14	Hudu Munyemana	Rwanda
15	Joseph Lamptey	Ghana
16	Thierry Nkurunziza	Burundi

Orodha ya waamuzi wasaidizi wa michuano ya CHAN 2016-Rwanda

ASSISTANT REFEREES
1	Mokrane Gourari	Algeria
2	Ndagijimana Theogene	Rwanda
3	Mark Ssonko	Uganda
4	Oamogestse Godisamang	Botswana
5	Noupue Nouegoue Elvis	Cameroon
6	Dina Bienvenu	Benin
7	Serigne Cheikh Toure	Senegal
8	Ahmed Hossam Taha	Egypt
9	Tesfagiorghis Berhe	Eritrea
10	David Laryea	Ghana
11	Mamady Tere	Guinea
12	Sullaymane Sosseh	Gambia
13	Marwa Range	Kenya
14	Mahamadou Yahaya	Niger
15	Hensley Petrousse	Seychelles
16	Khumalo M. Steven	South Africa
17	Theophile Vinga	Gabon
18	Nabina Blaise Sebutu	DR Congo