SHEREHE ZA KUAPISHWA RAIS WA GAMBIA,ADAMA BARROW

Mtangulizi wa Adama Barrow aliwahi kuapa kwamba angetawala nchi hiyo ya Gambia hata kwa miaka bilioni moja kama ikibidi. Yahya Jammeh alibwagwa kwenye Uchaguzi Mkuu wa nchi hiyo uliofanyika mwishoni mwa mwaka jana lakini akakataa kuachia madaraka mpaka pale majeshi ya nchi za Afrika Magharibi zilipopeleka wanajeshi wake mpakani mwa nchi hiyo.

Mshindi wa uchaguzi huo aliapishwa kwa mara ya kwanza akiwa nchini Senegal katika ubalozi wa Gambia alikokimbilia kuhofia kuuawa na Bwana Jammeh na sasa ameapishwa tena nchini Gambia mbele ya wananchi wa Taifa hilo na vikosi vya majeshi ya Ulinzi na Usalama vya Taifa hilo.
Sherehe hizi za uapishwaji wa Rais Barrow zimeenda sambamba na kuadhimisha miaka 52 ya uhuru wa Taifa hilo la Afrika Magharibi.
Katika hotuba aliyotoa baada ya kuapishwa, Rais Barrow alielezea hali ngumu ya kiuchumi iliyopo nchini humo iliyosababishwa na mtangulizi wake, Yahya Jammeh.
“Tumerithi mdororor wa uchumi,” alisema na kuahidi kuvutia wawekezaji katika sekta ya teknolojia, kutoa bure elimu ya msingi na kuboresha mfumo wa utoaji na upatikanaji wa haki za wananchi kupitia mahakama.
“Gambia imebadilika kabisa. Wananchi wamezinduka kabisa na wanatambua kwamba wanaweza kuiingiza serikali madarakani na pia kuitoa kama wakitaka.”
Tazama hapa picha tisa za sherehe hizo zilizofanyika katika Uwanja wa Uhuru nchini humo: