UKAME WASABABISHA WANANCHI KUCHANGIA CHAKULA NA MIFUGO YAO

Wakulima nchini Kenya wameanza kuwalisha mifugo wao vyakula walivyohifadhi ili kuwaokoa kutokana na ukame ulioathiri zaidi ya nusu ya Taifa hilo mpaka sasa.

“Kama ukipata chai au uji unawagawia na mifugo yako, bila kufanya hivyo watakufa. Tutafanya nini sasa? Tutakufa pamoja na mifugo yetu,” mfugajo mmoja aliiambia BBC

Katika moja ya maeneo yaliyoathirika zaidi ni Kaskazini mwa mwa nchi hiyo eneo la Marsabit, mizoga ya mifugo inaonekana kuzagaa na kuoza katika maeneo ambayo yalikuwa ni malisho yao kabla ya ukame. Ng’ombe ambao awali walikuwa mmoja anauzwa Shilingi milioni 1.2 kwa sasa  ni Shilingi 120,000 kwa sababu wamekonda kupita kiasi.

Serikali iliahidi kuinunua mifugo hiyo ili kuwapunguzia wananchi athari za madhara ya ukame huo lakini wakulima hao wameiambia BBC kwamba bafo mpaka sasa hilo halijafanyika. Rais wa Kenya, Uhuru Kenyatta ametangaza kwamba ukame ulioikumba Kenya ni Janga la Taifa na ameomba mashirika ya kimataifa na nchi za nje kuisaidia nchi hiyo.

Shirika la Msalaba Mwekundu nchini Kenya linasema kuwa watu milioni 2.7 wanakabiliwa na uhaba wa chakula na maafa yakuwa makubwa endapo msaada wa haraka hautatolewa. Wananchi wanatembea zaidi ya kilomita 10km kufata maji. Vyanzo vya maji vimekauka, vichache vilivyobakia havitoshelezi kwa mahitaji ya wananchi pamoja na mifugo yao.

“Kama mvua haitanyesha hivi karibuni, hili litakuwa janga kubwa. Tutapoteza maisha, sio maisha ya mifugo ya wanyama safari hii, ila ni maisha ya binadamu,” alisema mkuu wa Mamlaka ya kukabiliana na athari za ukame nchini Kenya, Guyo Gulicha.

Hali hii imekuja kutokana na mvua kutonyesha kwa mwaka wa tatu mfululizo hivyo kufanya wakulima na wafugaji kushindwa kumudu maisha.