NDEGE YA FASTJET YASHINDWA KUTUA MBEYA.

Kiasi cha cha abiria 131 waliokuwa wakisafiri na shirika la ndege la Fast Jet kutoka Dar es salaam wameshindwa kutua katika uwanja wa ndege wa kimataifa wa songwe jijini Mbeya kutokana na hali ya hewa kutoka nzuri.

Akizungumzia tukio hilo Meneja wa Uwanja wa Ndege wa Songwe, Valentine Kadera, alikiri ndege hiyo kushindwa kutua kwenye uwanja huo, hivyo kulazimika kugeuza Jijini Dar es Salaam kutokana na hali ya hewa kuwa mbaya.

Ameseema endapo hali hiyo ya hewa ingekuwa vizuri ndege hiyo ingetua kama kawaida kwani hapa kuwa na tatizo lolote la kiufundi tofauti na hali hiyo ya hewa kuwa mbaya.

Akizungumzia tatizo hilo, mratibu wa shughuli za ndege kutoka Kampuni ya Fastjet Mkoa wa Mbeya, Omary Idrisa, alisema ndege hiyo imeshindwa kutua kutokana na hali ya hewa kuwa mbaya hivyo kulazimika kugeuza kurudi Jijini Dar es Salaam mpaka kesho mchana.

Aidha, Mratibu huyo, aliiomba serikali kukamilisha miundombinu ya Taa katika uwanja huo kwani ndege hiyo ilikuwa na uwezo wa kutua usiku majira ya saa nne au alfajiri ya saa 11 na saa moja asubuhi kama miundombinu hiyo ingewezeshwa.