AL SHABAB YAUA POLISI WANNE KENYA

Matukio ya Al Shabab ambayo kwa siku za karibuni yalionekana kupungua yameibuka tena nchini Kenya baada ya Polisi wanne kuuliwa na mtu mmoja ambaye alikuwa akishikiliwa na kuwapokonya Polisi bunduki kisha kuwapiga na kusababisha kupoteza maisha.

Taarifa kutoka Kenya zinaeleza kuwa mtu huyo alikuwa akishikiliwa katika kituo cha Polisi cha Kapenguria kilichopo Kenya na alikuwa kashikiliwa kwa kosa la kukutwa akiwashawishi raia wa nchi hiyo kujiunga na kikundi cha Al Shabab.

Aidha kituo cha Tv cha Citizen cha Kenya kimeripoti kuwa waliopoteza maisha wamefikia sita na milio ya risasi inaendelea kusikika katika eneo la kituo hicho.