UPDATE: WATU 37 WAJERUHIWA BAADA YA BASI LA KAMPUNI YA HAPPY NATION KUPASUKA TAIRI NA KUPINDUKA

Mmoja wa majeruhi wa ajali hiyo Ndugu Nicolau Fungo akiwa akiendelea kupatiwa matibabu katika hospital ya Rufaa Mbeya ambapo hali yake inaendelea vyema baada ya kuapitiwa matibabu.(picha na fahari news)

Watu37  wamejeruhiwa  mara baada ya basi walilokuwa wakisafiria  kutoka mkoani Mbeya kwenda Dar es salaam kupasuka tairi na kupinduka katika eneo la Meta, Chimala, Mbarali mbeya.

Ajali hiyo imehusisha   basi la kampuni ya Happy Nation lenye namba za usajili T. 281 ARR Scania lililokuwa likendeshwa na dereva aliyefamika kwa jina moja la Shabani.

Taarifa iliyothibitishwa na Kamanda wa Polisi Mkoani Mbeya, Ahmed Msangi inasema kuwa basi hilo lilikuwa likitokea mkoani Mbeya kuelekea mkoani Dar es Salaam.

Amesema   ajali hiyo imetokea leo Nov 7  majira ya asubuhi baada ya kupasuka tairi la mbele kushoto hali ambayo ilisababisha   kuacha njia na kupinduka.

Amesema mara baada ya kupasuka  tairi dereva alishindwa kuimudu nahasa kutokana na eneo lenyewe kuwa na kona kali hivyo aliamua kuligongesha kwenye ukingo wa barabara nakusabisha hali hiyo.

Aidha Msangi amesema kuwa kati ya majeruhi hao  29 ni wanaume na wengine 8 nakwamba hakuna mtu aliyepoteza maisha katika ajali hiyo.

Amesema kuwa  majuruhi  Sita kati ya wote hali zao ni mbaya na tayari wamefikishwa katika hospitali ya rufaa Mbeya kwa matibabu zaidi wakati majeruhi wengine 10 wakiwa wanapatiwa matibabu katika kituo cha afya Chimala.

Akithibitisha kupokea kkwa majeruhi hao Muuguzi katika chumba cha msaada wa haraka hospitali ya Rufaa Mbeya Dkt Orivia Masoi amesema kuwa wamepokea majeruhi sita  ambapo wanne wamelazwa  wodini na wawili tayari  wameruhusiwa.

Aidha mmoja wa majeruhi  Nicolaus Fungo  ambaye amelelazwa wodi namba moja kwa ajili ya matibu hao amesema majeraha makubwa maeneo ya mbavuni na kwamba hali yake inaendelea vizuri mara baada ya kuaptiwa matibabu.