WAFANYA BIASHARA MBEYA WAJITOLEA ZANA ZA USAFI KWAJILI YA 9 DISEMBA

Kaimu Mkurugenzi wa Jiji la mbeya Bw Mussa Mapunda akipokea Vifaa Vya Usafi kutoka kwa Makamu Mwenyekiti wa maduka ya Stendi ya Kabwe bw. Emmanuel Ndaki aliyevaa kofia.(Picha na David Nyembe wa Fahari News)

 Viongozi wa Idara Mbalimbali wakiwa wameshika vifaa Mbalimbali vya Usafi.

Vifaa Vya Usafi

Afisa Habari wa Almashauri ya jiji la Mbeya Bi Jackline Msuya (Kulia)akiwa na wakuu wa Idara ya Usafirishaji wakati wa upokeaji wa Vifaa vya Usafi.(Picha na David Nyembe wa Fahari News)

Katika kuelekea siku ya kumbukumbu ya uhuru wa Tanganyika ya zamani au Tanzania Bara ya sasa ambayo imeamriwa na rais wa Jamhuri ya muungano wa Tanzania kuwa siku ya kufanya usafi kwa Tanifa zima, wafanya biashara wa eneo la Kabwe hapa Jijini Mbeya wameungana na kutoa msaada wa vitendea kazi ili kurahisisha kazi ya siku hiyo.

Akizungumza mbele ya waandishi wa habari wakati wa makabidhiano ya nyenzo hizo ambazo ni Toroli 1,koleo 12, leki 10,mifagio 20,Gam buti 5,maski 30 na Grofsi 20 na kwa upande wa msemaji wa wafanya biashara hao Makamu Mwenyekiti wa maduka ya Stendi ya Kabwe bw. Emmanuel Ndaki amesema kuwa wataendelea kutoa ushirikiano huo wa kutoa Vifaa Mbalimbali kwani wanatambua kuwa Usafi ni wa watu wote kwa ujumla

 Pamoja na hayo afisa habari wa halmashauri ya jiji la Mbeya, Jack Msuya amesema kwamba maandalizi yanakwenda vizuri kuelekea siku hiyo ya tarehe 9 disemba na kusema kwamba kazi ya usafi sasa kwa jiji la Mbeya itakuwa ya muendelezo na sio zima moto kama watu wadhanivyo.

 Amesema kwamba halmashauri ya jiji la Mbeya sasa imejidhatiti kutunza hali ya usafi katika mitaa ya jiji na hata kuweka sheria kwa wachafuzi wa mazingira ambapo sasa akikutwa mtu anachafua mazingira atatozwa kiasi cha Tsh. 50,000 kama adhabu.

 Pamoja na hayo afisa habari huyo kwa niaba ya mkurugenzi wa jiji la Mbeya amewashukuru wafanya biashara hao kwa msaada wao wa vifaa vya usafi lakini akatoa wito pia kwa watu wengine walio na uwezo wa kujitolea vitendea kazi kufanya hivyo ili kurafisisha zoezi la kulifanya jiji la Mbeya kuwa safi.

 Agizo la sikukuu ya Uhuru ambayo hufanyika tarehe 9 disemba ya kila mwaka kuwa siku ya usafi lilitolewa na rais wa Jamhuri ya Muungano wa Tanzania, mhe. Dkt John Pombe Magufuli siku chache baada ya kuapishwa kuwa rais wa chini kutokana na mlipuko wa ugonjwa wa kipindupindu katika maeneo mbalimbali ya nchi kutokana na kukithiri kwa uchafu katika mazingira yanayowazunguka wananchi.

Kwa Habari na Matukio Mbalimbali endelea kutembelea www.faharinews.blogspot.com