LOWASSA: SIHUSIKI NA NOTI HIZI.

Waziri mkuu mstaafu, Edward Lowassa  amekuja juu kwamba hausiki na noti zenye thamani sh 500 ambazo zimetengenezwa kwa sura yake badala yake badala ya sura ya Rais wa kwanza wa Tanzania . Mwalimu Julius kambarage  Nyerere.

Noti hizo ambazo zimesambazwa katika mitandao mbali mbali ya kijamii kwa takribani wiki moja iliyopita zinafanana na noti za sasa za sh 500, lakini tofauti yake ni kwamba picha ya lowassa ndiyo inayopamba noti hiyo.

Mbali ya kusambazwa kwenye mitandao ya kijamii noti hizo zimesambazwa kwa watu mbalimbali wa kawaida kwa njia ya mawasiliano ya simu zao za mkononi kupitia mfumo wa whatsapp, BBM na aina nyingine ya mawasiliano.

Haikujulikana mtu aukundi lililochakachua noti hizo kwa kuweka picha ya lowassa wala hakuna anyejua sababu ya mtu au kundi hilo kufanya hivyo.

Akizungumza kwa ufupi kuhusu noti hizo zenye picha zake, Lowassa amesema hausiki kwa namna yoyote na noti hizo yenye sura yake.

Lowassa katika taarifa yake ya kukanusha kuhusika na noti zenye picha yake alisema kumekuwa na muendelezo wa matukio kadhaa kutoka kwa mahasimu wake kisiasa kumhusisha na matukio ya uongo na kuzushia vitu vya ajabu katika mitandao ya kijamii.

“kumesambazwa picha ya noti ya shilling mia tano yenye sura yangu (Lowassa) kitendo hicho siyo utani , bali ni dhihaka na dharau kwa alama za utaifa na mamlaka ya nchi” alisema lowassa.

Kwa mujibu wa Lowassa, anaheshimu maoni ya watu na nguvu ya mitandao ya kijamii lakini anasisitiza umuhimu kwa wananchi kutumia nguvu hiyo ya mitandano kwa kujadili kwa maendeleo ya nchi baada ya kuwa watu wa kuzusha mambo yasiyo na tija kwa taifa.

Alipobanwa zaidi kufafanua kuhusu kusambazwa kwa noti zenye sura yake, Lowassa alisema anahisi mkakati huo umesukwa na mahasimu wake kisiasa kwa lengo la kutaka kukiamisha chama chake cha mapinduzi.(CCM) na jamii kwa ujumla kwamba yeye ni mtu wa kuvunja kanuni.

“Huu ni mwendelezo wa kuchafua jina langu nimezushiwa mambo mengi yanayonichonganisha na uongozi wan chi kutaka kuniaminisha kwamba mimi ni mtu wa kuvunja kanuni , maadili ya chama cha sheria za nchi”, amesema lowassa