WAJUMBE TISA HAWAJARIPOTI BUNGENI

BUNGE LA KATIBA DODOMA

Wakati wajumbe tisa kati ya 629 wan Bunge maalum la katiba, hawajaonekana bungeni tangu lilipoanza shughuli zake February 18 mwaka huu, Ikulu imesema kuwa Rais Jakaya Kikwete hawezi kuwachukulia hatua na badala yake wenye uwezo huo makundi wanayotoka.

Mkurugenzi Msaidizi wa bunge (Habari), Deogratis Egidio alisema juzi kuwa, wajumbe watatu miongoni mwa wajumbe hao tisa, wanatoka kundi la baraza la wawakilishi, wane wa jamhuri na wawili ni wateule wa Rais.

“Ili mjumbe wa bunge hili atambulike kuwa amehudhuria vikao ,lazima afanyiwe usajili, kufunguliwa jalada maalumu na badaye kurejeshewa gharama za nauli na malipo ya posho zake. “ Baraza la wawakilishi lina wajumbe 77 na kati yao, watatu bado hawajaripoti. Kati ya wajumbe wane wa kundi la bunge la jamhuri ambao hawajaripoti, wawili ni wagonjwa mmoja ana udhuru  wa kikazi na mwingine hatuna taarifa naye” alisema Egidio.

Wajumbe wa bunge la jamhuri amabo hawajaonekana tangu kuanza kwa bunge hili ni pamoja na Waziri wa Fedha, Saada Mkuya ambaye Egidio alisema wana taarifa naye na mwingine ni mbunge wa singida Mjini, Mohamed Dewji  ambaye bunge halina taarifa zake.

Alisema wabunge 201 wa kuteuliwa waliofika katika bunge hilo ni 199, na ambao hawajafika ni wawili; Omary Hussein na zainab Bakari Dihenga’

Ikulu yazungumzia wabunge ‘watoro’

Katibu Mkuu kiongozi, Balozi Ombeni sefue alisema ingawa Ikulu haina taarifa rasmi kutoka ofisi za bunge maalum kuhusu mahudhurio hayo, lakini siyo jukumu la Rais kuwalazimisha wahusika wahudhurie Bunge.

Alisema kwa sababu wajumbe hao waliteuliwa na Rais kutokana na kupendekezwa na makundi yao, ni vyema makundi hayo yawabane watu hao kuingia bungeni .

“Hata hivyo, walioteuliwa  na Rais Kikwete wamependekezwa  na makundi ili wayawakilishe, ni wajibu wa makudni hayo kuhakikisha waliwapendekezwa na wakapitishwa majina yao, wanashiriki katika mikutano hiyo”  alisema Balozi Safue na kuongeza: “Ni wajibu wa makundi yaliyowapendekeza kuwawakilisha kuhakikisha inawasimamia na kuwahamasisha kuhudhuria mikutano hiyo”