ZAIDI YA WACHIMBAJI WADOGO WA KOKOTO NA MCHANGA WAANDAMANA HADI OFISI ZA JIJI.

Waandamanaji wakiwa na magari yao yakufanyia kazi  katika ofisi za jiji

Waandamanaji wakijaribu jinsi ya kumwona Mkurugenzi wa jiji.

Mkurugenzi wa jiji la Mbeya Mussa Zunguza akitoa maelezo kuhusu maandamano hayo

Mwanasheria wa jiji Ndugu Sebastian  Danda akitoa ufafanuzi kwa waandishi wa habari juu ya malalamiko ya wachimbaji wa mchanga ,mawe na kokoto ambao wameandamana kupinga mkataba katika shughuli za uchimbaji madini aina ya kokoto, mawe mchanga  jijini Mbeya.

Afisa Mfawidhi Ofisi Ndogo ya wakala wa Madini Mbeya Enginia Jumanne Mohamed akitoa ufafanuzi kwa wachimbaji hao

ZAIDI  ya Wachimbaji   wadogowadogo 2000 wa uchimbaji wa madini ya kokoto ,mawe  na mchanga pamoja na madereva wa maroli yanayojishughulisha na ubebaji wa malighafi hizo wameandamana  hadi kwenye ofisi za halmashauri ya Jiji la Mbeya, kupinga uamuzi wa Wizara ya Nishati na Madini kuanzisha ushuru wa maroli ya mchanga.

Katika mazungumzo yao na Faharinews wamesema, wao hawapingani na uamuzi wa serikali wa  kuanzisha udhibiti wa uzalishaji na biashara ya madini ya ujenzi na viwanda tatizo ni kushindwa kuweka wazi mfumo wa tozo la kodi kwa upande wa magari yanayojihusisha na ubebaji wa  madini hayo.

Aidha, wafanyabiashara hao waliiomba serikali kuangalia utaratibu wa kuwapunguzia gharama  ya lesseni  ya  uzalishaji  biashara ya madini kwani kiasi  cha fedha kilichoainishwa ni kikubwa ukilinganisha na hali halisi ya kipato cha mtanzania kwa siku.

Akijibu malalamiko hayo Afisa mfawidhi wa ofisi ndogo ya wakala wa madini Mbeya, Jumanne Mohamed, amesema kwa mujibu wa sheria zao  mlipaji wa mrabaha ni mchimbaji na  si dereva .

  
Amedai kuwa wizara  kupitia waraka huo umeweka wazi kwamba mlipaji wa mrabaha ni mchimbaji na kwamba hairuhusiwi kuchimba bila ya kuwa na lesseni hivyo hii shilingi 2500 inalipwa na mchimbaji.

Amesema, mchimbaji anapolipia kiasi cha shilingi 2500 hukabidhiwa  hati ya malipo ambayo  hutolewa bure na kwamba hati hiyo  anatakiwa kumkabidhi dereva ili asikamatwe  na  kutozwa faini kutoka kwa watendaji wa madini.

Amesema suala la ulipaji  wa mrahaba huo uko  palepale kwa mujibu wa sheria hivyo nivyema taratibu zikafatwa katika kukamilisha zoezi hilo.