WANAFUNZI WATAKIWA KUONGEZA BIDII KATIKA MASOMO YA SAYANSI.

Na. Jovina Bujulu –MAELEZO.

Wanafunzi wanaosoma masomo ya Sayansi kote nchini wameshauriwa kuongeza bidii katika kujifunza masomo hayo ili kuendana na juhudi zinazofanywa na Serikali za kuwawezesha wanafunzi hao kujifunza masomo ya Sayansi kwa vitendo.

Hayo yamesemwa leo jijini Dar es salaam na Mkemia Mkuu wa Serikali Prof. Samweli Manyele kwenye sherehe ya kuwapongeza wanafunzi 24 wa kidato cha nne na sita waliofanya vizuri katika masomo ya Kemia na Biolojia kwa mwaka 2013 na 2014.

“Kama wachunguzi wa Serikali ambao hutumia taaluma zitokanazo na masomo ya Kemia na Biolojia tumeona ni Vizuri kutoa hamasa kwa vijana na Taifa hili kupenda masomo ya Sanyansi” Amesema Prof. Manyele.

Amesema Zoezi la kuwapongeza na kuwazawadia wanafunzi wanaofanya vizuri kwenye masomo ya Kemia na Biolojia limeanzishwa kutoakana na Wakala ya Mkemia Mkuu wa Serikali kupewa jukumu la kusimamia Sheria ya Usimamizi na Udhibiti wa Kemikali za Viwandani na Majumbani.

Aidha, amesema Chuo Kikuu Huria cha Tanzania kitagharamia masomo ya Teknolojia ya Habari na Mawasiliano kwa walimu na wanafunzi wanne ili waweze kuimarisha vipaji vyao vya masomo na matumizi ya kompyuta .

Amefafanua kuwa Katika sherehe hizo jumla ya wanafunzi 24 na walimu 4 kutoka shule mbalimbali za Sekondari hapa nchini wamezawadiwa vitu mbalimbali zikiwemo Fedha, Vyeti na Santuri kwa ajili ya kujifunza zaidi masomo ya Sayansi kwa upande wa wanafunzi na walimu kujifunza mbinu zaidi za kufundisha masomo hayo.

Kwa upande wa Wanafunzi waliozawadiwa amesema wanatoka shule za Sekondari za Feza, Marian, Iliboru, St. Francis na Shule ya Sekondari ya Kata ya Nyamanoro iliyoko jijini Mwanza.

Sherehe za kuwazawadia na kuwapa tuzo mbalimbali wanafunzi wa masomo ya Sayansi zilianzishwa mwaka 2007 chini ya Mkemia Mkuu wa Serikali, huambatana na utoaji wa zawadi na tuzo mbalimbali kwa wanafunzi waliofanya vizuri katika masomo ya Kemia na Bioloji