SHULE YA MSINGI AZIMIO YA BOMOLEWA KUPISHA UJENZI MPYA WA JENGO LA KISASA MBEYA

Mwenekano wa Shule ya Msingi Azimio ambayo inatakiwa kubomolewa na kujengwa upya Baada ya miundombinu yake kuwa chakavu na kuhatarisha uhai wa watumiaji, Shule hii ni miongoni mwa shule zilizoanzishwa chini ya utawala wa Mkoloni (Picha na Kenneth Ngelesi)

Kaimu Mkurugenzi wa Jiji la Mbeya Dk Samuel Lazaro akiongea na waandishi wa  Habari

Mwenekano wa Shule ya Msingi Azimio amabayo inatakiwa kubomolewa na kujengwa upya(Picha na Kenneth Ngelesi

NA MWANDISHI WETU,MBEYA

BAADHI ya wazazi na walezi wa wanafunzi wa shule ya msingi ya Azimio Jijini hapa, wameutaka uongozi wa halmashauri  ya Jiji la Mbeya, kuwatafutia watoto wao shule nyingine kwa ajili ya kuendelea na masomo wakati ujenzi mpya ukiendelea.

Wazazi hao walisema, halmashauri hiyo inapaswa kuchukua jukumu la kuwatafutia watoto hao shule badala ya kuwabebesha mzigo huo wazazi pamoja na walezi.

Wakizungumza katika Ofisi za Tanzania Daima, wazazi hao walisema kuwa Novemba 27 mwaka huu wakati shule zinafungwa walipokea barua kutoka kwa Mkurugenzi wa Jiji zikieleza kwamba shule hiyo imefungwa hivyo wanaombwa kuwatafutia watoto wao nafasi kwenye shule nyingine.

Wazazi hao walisema kuwam, jukumu hilo si la kwao bali lilipaswa kufanywa na halmashauri yenyewe kwani licha ya baadhi yao kujaribu kutafuta nafasi katika shule nyingine lakini jitihada zinaonyesha kugonga mwamba kutokana na majibu wanayoyapata kutoka kwa walimu wakuu wa shule hizo.

“Barua inatuomba kuwatafutia watoto nafasi katika shule jirani ili msimu wa masomo unapoanza January 2016 watoto wawe wameshapata shule lakini hili jukumu limekuwa nzito kwetu kwa sababu kila shule tunazopita kutafuta nafasi, tunaambiwa nafasi zimejaa,”alisema Rose Moris.

Aidha katika hatua nyingine wazazi wa watoto hao kwa pamoja walisema kuwa ni vema ofisi ya mkurugenzi ikachukua jukumu la kulisimamia na kulitekeleza suala hili badala ya kuwaachia wazazi na walezi pekee yao.

“Ofisi ya halmashauri ndio inapaswa kulitekeleza hili kwani wao ndio wamiliki wa shule zote na ndio waajiri wa walimu hivyo kwao itakuwa ni rahisi tofauti na sisi wazazi,”aliongeza mzazi.

Aidha, katika hatua nyingine wazazi hao walionekana kuipongeza serikali kwa hatua waliyoichukua ya kuikarabati upya shule hiyo ambayo ilijengwa  tangu utawala wa wakoloni hivyo majengo yake kuwa chakavu na yanayohatarisha  maisha ya watumiaji.

Hata hivyo, barua hiyo yenye kumbukumbu namba MCC/WD/U.21/9/VOL.1/12 ya tarehe 24/11/2015 kutoka halmashauri ya Jiji la Mbeya kwenda kwa wazazi inaeleza  kuwa uamuzi wa kuifunga shule hiyo kwa ajili ya ukarabati mpya unatokana na uchakavu mkubwa wa miundombinu ya shule hiyo ambayo ni madarasa,Ofisi,Vyoo, na kwamba yanaweza  kuporomoka wakati wowote.

Shule hiyo ya Azimio inayo kadiriwa kuwa na wanafunzi zaidi ya 400 imefungwa kwa muda usiojulikana huku kukiwa na taarifa kuwa Jijiji hilo lina mpango kuibadilisha kuwa shule ya Mchepuo wa Kingeleza “English Medium”.

Akijibu malalamiko hayo Kaimu Mkurugenzi wa Jiji Dkt Sammwel Lazaro alisema kuwa waliamua kualicha jukumu hilo  kwa wazazi wachagua shule wanazipenda na zipo karibu na makazi na kwamba wale watakao kosa Halmashauri itachukua jukumu la kuwatawanya katika shule zilizopo ndani ya jiji.

Akizugumzia uaumizi wa kuibomoa shule hiyo Dkt Lazaro alisema wamefikia umauzi huo baada ya wataalamu wa majengo kutoka jiji kujirisha kuwa jengo hilo kuwa la muda mrefu hivyo halifai kwa matumizi ya binadamu kwa sasa.

'Ni kweli shule inapaswa kufanyiwa ukarabati na majengo mengine yanatakiwa kujengwa upya na hii baaada ya ya kupokea taarifa kutoka timu ya wataalamu ambao walifika na kulifanyika uchunguzi jengo hilo ambao lilijengwa mwaka 1957 hivyo na kuona kuwa halifai kwa matumizi ya binadamu' alisema Lazaro

Mwisho