MKUU WA MKOA WA MBEYA AMOSI MAKALLA ALIAGIZA JIJI LA MBEYA KUKARABATI BARABARA ZA KATA YA RUANDA NA KULIWEKA JIJI LA MBEYA SAFI

Mkuu wa Mkoa wa Mbeya, Amos Makalla akiwa sambamba na Mbunge wa jimbo la Mbeya mjini Joseph Mbilinyi wakikagua ujenzi wa barabara   kwenye Mtaa wa Mkombozi kata ya Ruanda Maarufu kwa Chaula ambayo inalalmikiwa na wananchi kuwa imesahaulika Jijini Mbeya.(Picha na David Nyembe wa Fahari News Mbeya)

Mwonekano wa Barabara ambayo wananchi wameilalamikia kuwa imesahaulika kwa muda mrefu.

Mkuu wa Mkoa wa Mbeya, Amos Makalla akipewa maelezo na Mwananchi wa eneo la
Ruanda Maarufu kwa Chaula(Picha na David Nyembe wa Fahari News Mbeya)

Mkuu wa Mkoa amemwagiza Mhandisi wa Barabara Jiji la Mbeya kuhakikisha wanaanza kazi ya kutengeneza barabara hiyo mara moja ili wananchi waondokane na kero hiyo.

Makalla alitoa agizo hilo baada ya kuelezwa kuwa katika ratiba za Jiji barabara hiyo inaanza kutengenezwa keshokutwa.

Mbunge wa jimbo la Mbeya mjini Joseph Mbilinyi akimpongeza Mkuu wa Mkoa wa Mbeya
Amos Makalla kwa kazi nzuri ya kushungulikia kero za wananchi.
(Picha na David Nyembe wa Fahari News Mbeya)

Mbunge wa Jimbo la Mbeya Mjini, Joseph Mbilinyi ‘Sugu’ aambaye pia alikuwepo kwenye ziara hiyo, alisema wakati yuko bungeni alipokea simu nyingi za wananchi wa eneo hilo wakilalamikia barabara hiyo na kwamba baada ya kusikia Mkuu wa Mkoa anaenda aliona ni vema nay eye ashiriki.

Alimshukuru Mkuu wa Mkoa kwa kushughulikia kero za wananchi kwa kwenda katika maeneo yenye matatizo ili nay eye ajionee na kuwasikiliza kisha kufanya maamuzi.

Sugu alisema kutokana na kero hiyo ni vema Jiji likaiweka kwenye mambo yake ya dharura ili kuwasaidia wananchi hao hasa kipindi hiki cha mvua.