MTOTO AUNGUZWA KWA KUDOKOA NJEGERE

MWANAFUNZI Wa darasa la kwanza  shule ya msingi jangwani, manispaa ya sumbawanga  amechomwa moto mikono yake  miwili, kutokana na tuhuma za kudokoa njegere  zilizokua zikichemka jikoni.

Kamanda wa polisi mkoa wa Rukwa Jacob  Mwaluanda amethibitisha  mkasa huo aliouita ni wa kikatili  huku  akimtaja mtuhumiwa  kua ni Anifa  Lunyerere (18) mkazi wa kitongoji cha bangwe manispaa ya sumbawanga .

Kamanda  Mwaruanda   amesema  Lunyerere  alimchoma mtoto  huyo (jina limeifadhiwa )  wiki iliyo pita katika kitongoji hicho cha Bangwe  saa sita mchana . kwa mujibu wa kamanda  Mwaruanda,  mtoto huyo alipohojiwa alidai alifikia uamuzi  huo  wakudokoa njegere  baada ya kuzidiwa na njaa ,  alikua ametoka shuleni  ambapo alikua ajala chochote .

‘’ mtoto  huyu alieleza kuwa wifi yake huyo  amekua na tabia  ya kumfanyia  vitendo vya  kikatili  mara kwa mara  kama vile kumng’ata  mgongon  hata kama hajakosea kitu chochote,’’ alidai kamanda  Mwaruanda

Mtuhumiwa huyo anashikiliwa na polisi kwa mahojiano  na  anatarajiwa kufikishwa mahakamani  wakati wowote  baada ya  uchunguzi wa awali wa  shauri lake kamili .