TAARIFA YA JESHI LA POLISI MKOA WA MBEYA KWA VYOMBO VYA HABARI

Kamanda wa Polisi Mkoa wa Mbeya Khamed Msangi.(Picha na David Nyembe wa Fahari News)

SILAHA MOJA AINA YA SMG NAMBA UA 2911997 PAMOJA NA RISASI 27 KWENYE MAGAZINE

Pikipiki iliyotumika kufanyia Uhalifu.(Picha na David Nyembe wa Fahari News)

JESHI LA POLISI MKOANI MBEYA LAKAMATA SILAHA AINA YA SMG NA RISASI ZAKE 27 BAADA YA WATU WANAOSADIKIWA KUWA MAJAMBAZI KUJARIBU KUFANYA UNYANG’ANYI.

GARI LILILOKUWA LIMEBEBA SHEHENA YA MAFUTA LIMEUNGUA NA KUTEKETEA KWA MOTO WILAYANI MBARALI

KATIKA TUKIO LA KWANZA:

MNAMO TAREHE 18.04.2016 MAJIRA YA SAA 03:00 USIKU HUKO KATIKA KIJIJI CHA MALAMBO, KATA YA RUIWA, TARAFA YA ILONGO, WILAYA YA MBARALI, MKOA WA MBEYA. WATU WANAOSADIKIWA KUWA MAJAMBAZI AMBAO IDADI YAO HAIKUWEZA KUFAHAMIKA MARA MOJA WALIFIKA NYUMBANI KWA GERVAS LAZARO [56] MFANYABIASHARA NA MKE WAKE AITWAE WITNESS MWAKALENGA [50] WOTE WAKAZI WA MALAMBO KWA LENGO LA KUFANYA UHALIFU WA KUJARIBU KUNYANG’ANYA KWA KUTUMIA SILAHA.

HATA HIVYO KUTOKANA NA KUWEPO KWA TAARIFA ZA SIRI KUHUSIANA NA NJAMA NA MPANGO HUO, ASKARI POLISI WALIKUWA TAYARI ENEO HILO LA TUKIO ILI KUWEZA KUKABILIANA NA MAJAMBAZI HAO.

KATIKA KUKABILIANA NA MAJAMBAZI HAO, BAADHI YA ASKARI WALIIMARISHA ULINZI ENEO HILO NA KUFANIKIWA KUPATA PIKIPIKI YENYE NAMBA ZA USAJILI T.913 CGF AINA YA T-BETTER RANGI NYEKUNDU AMBAYO ILIKUWA IKITUMIWA NA MAJAMBAZI HAO. BAADA YA UCHUNGUZI PIKIPIKI HIYO ILIBAINIKA KUWA NA INJINI NAMBA ZJ16ZFNJC2512944 NA CHASSES  LZEPCKLASCL812905 AMBAYO ILITELEKEZWA NA MAJAMBAZI HAO BAADA YA KUONA POLISI WAMEDHIBITI ENEO HILO.

HATA HIVYO POLISI KWA KUSHIRIKIANA NA WANANCHI WA ENEO HILO WALIENDELEA KUWAFUATILIA MAJAMBAZI HAO NA KUFANIKIWA KUPATA SILAHA MOJA AINA YA SMG NAMBA UA 2911997 PAMOJA NA RISASI 27 KWENYE MAGAZINE. AIDHA KATIKA ENEO HILO LA TUKIO AMBALO ILIKUTWA SILAHA HIYO PIA ILIKUTWA KOFIA MOJA YA KUFICHA SURA [MZURA] ILIYOTELEKEZWA NA MAJAMBAZI HAO KABLA YA KUKIMBILIA PORINI.

KWA SASA MSAKO /DORIA INAENDELEA MAENEO YA PORI LA NARCO LILILOPO KATI YA WILAYA YA MBARALI NA CHUNYA, AMBAPO KIKOSI KAZI CHA ASKARI WA WILAYA HIZO WAMEUNGANA ILI KUWASAKA MAJAMBAZI HAO KWA AJILI YA KUWAKAMATA. AIDHA TARATIBU ZIMEFANYWA ZA KUSHIRIKISHA VIONGOZI WA VIJIJI VILIVYOPO MAENEO JIRANI NA MSITU HUO ILI KUSAIDIANA KUWAPATA MAJAMBAZI HAO.

KATIKA TUKIO LA PILI:

GARI YENYE NAMBA ZA USAJILI T.341 BYR IKIWA NA TELA YENYE T.557 BEP AINA YA BEIBEN- TANKER IKIENDESHWA NA DEREVA AITWAYE OSWINI NUNGU [43] MKAZI WA JIJINI DSM IKIWA IMEBEBA SHEHENA YA MAFUTA AINA YA DIESEL IKITOKEA DSM KUELEKEA NCHINI ZAMBIA ILITEKETEA KWA KUUNGUA MOTO.

TUKIO HILO LIMETOKEA MNAMO TAREHE 21.04.2016 MAJIRA YA SAA 15:15 ALASIRI HUKO KATIKA KIJIJI CHA MALENGA, KATA YA MBUYUNI, TARAFA YA ILONGO, WILAYA YA MBARALI, MKOA WA MBEYA.

AIDHA CHANZO CHA AJALI HIYO NI HITILAFU KATIKA MFUMO WA BREAK WA GARI HILO NA KUPELEKEA GARI KUUNGUA MOTO. HAKUNA MADHARA YA KIBINADAMU YALIYORIPOTIWA KUTOKEA. THAMANI YA UHARIBIFU BADO KUFAHAMIKA. UPELELEZI UNAENDELEA.

            Imesainiwa na:

[AHMED Z. MSANGI – SACP]

KAMANDA WA POLISI MKOA WA MBEYA.